24 一月 徐蒝隨緣烹飪藝術學 – 廚房實驗室圓奇突念頭
二零零八年，徐蒝獲香港政府邀請，假灣仔船街二級保護文物建築開設餐廳（即「鴛鴦飯店」），肩負活化歷史建築重任，為其注入新靈魂。佔盡天時地利人和，卻要徐蒝從原本開設的創作公司或全新跑道中選擇；面對人生兩難，她未有猶豫就選擇後者：「平時我鍾意煮，但我從來都唔知，我煮嘢食有人會願意俾錢。」
既然古靈精神怪想法未能再於廣告界延續，倒不如套用到「鴛鴦飯店」的餐飲設計上！搜羅陶土花盆自家製爐具，但原來享負盛名的招牌黃土雞非徐蒝最初意念：「本身想整北京填鴨，但個爐尺寸太細，咁就唯有擺隻雞落去，就變成咁！」無心插柳，烤鴨縮細變烤雞，一道被徐蒝形容為「代表人生」的黃土雞就從此誕生。
黃土雞背後想法多多且製作工序繁複，擺盤卻出奇地簡約，只有骨、肉、皮分離的雞隻，佐以自家製沙薑油，毫無額外裝飾。源於徐蒝對出品的自信及 LESS IS MORE 的原則：「我嘅菜式唔需要擺花或裝飾，唔係食材我唔會放落去，放得落去就一定有味道嘅需要，呢個係我嘅烹飪理論。」
「我唔知點解，我整雞係幾好食，連屋企人都話『你真係做雞好勁』，所以我想開間賣雞專門店，叫『雞竇』」。」別看徐蒝樣子正正經經，一開口就語出驚人。
花盆黃土雞成人生代表作
美國飲食娛樂月刊 《BON APPÉTIT》 特約編輯 CHRISTINE MUHLKE，透過筆下著作 《SIGNATURE DISHES THAT MATTER》 紀錄由十九世紀至今，世界各地具文化歷史影響力及標誌性的經典菜餚，如粵式點心叉燒包、薄切牛肉或魚肉為主食材的意大利前菜CARPACCIO、以黃桃、紅桑子醬、雲呢拿雪糕構想的法式甜點 PÊCHE MELBA 等；當中，亦記載徐蒝早年開設「鴛鴦飯店」的招牌菜 － 「越軌黃土雞」。
憑一招「越軌黃土雞」獲獎無數，徐蒝雖滿足卻未因此停步，而可見的將來，徐氏烹飪 TO DO LIST 都離不開黃土與雞，如挑戰製作魚形狀的黃土煲烹調「黃土魚煲仔飯」，繼續延續香港風味。
徐蒝自命「撈偏」，不走廚師固有的路，不做正正經經的悶棍。問到手捧黃土雞的照片，她卻傳來一張騎呢合成照：「喺西班牙見到有HARRY POTTER 掃把，就騎上去影咗張相。」